daily news qadian ਭਗਤ ਪੂਰਨ ਸਿੰਘ ਸਕੂਲ ਵਿੱਚ ਲੀਗਲ ਸਰਵਿਸੇਜ ਅਥੌਰਿਟੀ ਸੇਮਿਨਾਰ ਲਗਾ ਕੇ ਵਿਦਿਆਰਥੀਆਂ ਨੂੰ ਜਾਗਰੂਕ ਕੀਤਾ ਗਿਆ
ਭਗਤ ਪੂਰਨ ਸਿੰਘ ਸਕੂਲ ਵਿੱਚ ਲੀਗਲ ਸਰਵਿਸੇਜ ਅਥੌਰਿਟੀ ਸੇਮਿਨਾਰ ਲਗਾ ਕੇ ਵਿਦਿਆਰਥੀਆਂ ਨੂੰ ਜਾਗਰੂਕ ਕੀਤਾ ਗਿਆ
MD.Daily news Qadian
Gurpreet singh
ਕਾਦੀਆਂ 9 ਨਵੰਬਰ : (ਗੁਰਪ੍ਰੀਤ ਸਿੰਘ ) 31 ਅਕਤੂਬਰ ਤੋਂ 13 ਨਵੰਬਰ ਤੱਕ ਚੱਲੇ ਨੇਸ਼ਨਲ ਲੀਗਲ ਸਰਵਿਸ ਅਥੋਰਿਟੀ ਅਭਿਆਨ ਦੇ ਤਹਿਤ ਲੀਗਲ ਸਰਵਿਸੇਜ ਅਥੌਰਿਟੀ ਦੇ ਚੇਅਰਮੈਨ ਰਜਿੰਦਰ ਅਗਰਵਾਲ ਅਤੇ ਸਕੱਤਰ ਸੀਜੇਮ ਨਵਦੀਪ कौर ਗਿੱਲ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜ਼ਿਲਾ ਨੋਡਲ ਅਫਸਰ ਪਰਮਿੰਦਰ ਸਿੰਘ ਸੈਣੀ ਦੀ ਦੇਖ ਰੇਖ ਵਿਚ ਅੱਜ ਸਥਾਨਕ ਭਗਤ ਪੂਰਨ ਸਿੰਘ ਸਕੂਲ ਵਿੱਚ ਪ੍ਰਿੰਸੀਪਲ ਲਖਵਿੰਦਰ ਕੌਰ ਦੀ ਅਗਵਾਈ ਹੇਠ ਜਿਲਾ ਕੋਆਰਡੀਨੇਟਰ ਮੁਕੇਸ਼ ਵਰਮਾ ਵੱਲੋਂ ਵਿਦਿਆਰਥੀਆਂ ਨੂੰ ਕਾਨੂੰਨੀ ਸਲਾਹ ਦਿੱਤੀ ਗਈ। ਇਸ ਮੌਕੇ ਤੇ ਮੁਕੇਸ਼ ਵਰਮਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 1987 ਵਿੱਚ ਨੈਸ਼ਨਲ ਲੀਗਲ ਸਰਵਿਸੇਜ ਅਥੌਰਿਟੀ ਐਕਟ ਦੀ ਸ਼ੁਰੂਆਤ ਕੀਤੀ ਗਈ ਸੀ ਜਿਸ ਨੂੰ 9 ਨਵੰਬਰ 1995 ਨੂੰ ਲਾਗੂ ਕੀਤਾ ਗਿਆ ਸੀ। ਮੁਕੇਸ਼ ਵਰਮਾ ਨੇ ਦੱਸਿਆ ਕਿ ਪਾਲਸਾ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਮੁਫ਼ਤ ਅਤੇ ਨਿਰਪੱਖ ਨਿਆਂ ਦਿਵਾਉਣਾ, ਲੋਕ ਅਦਾਲਤਾਂ ਰਾਹੀਂ ਚੰਗੇ ਮਾਹੌਲ ਵਿੱਚ ਝਗੜਿਆਂ ਦਾ ਨਿਪਟਾਰਾ ਕਰਨਾ ਅਤੇ ਲੋਕਾਂ ਵਿੱਚ ਕਾਨੂੰਨੀ ਜਾਗਰੂਕਤਾ ਲਿਆਉਣ ਲਈ ਪੇਂਡੂ ਖੇਤਰਾਂ ਵਿੱਚ ਕੈਂਪ ਲਗਾਉਣਾ ਹੈ। ਇਸ ਤਹਿਤ ਜ਼ਿਲ੍ਹੇ ਦੇ 970 ਸਕੂਲਾਂ ਵਿੱਚ ਵਿਦਿਆਰਥੀਆਂ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਮੁਫ਼ਤ ਕਾਨੂੰਨੀ ਸਹਾਇਤਾ ਔਰਤਾਂ ਅਤੇ ਬੱਚਿਆਂ, ਐਸ.ਸੀ./ਐਸ.ਟੀ. ਸ਼੍ਰੇਣੀ ਦੇ ਮੈਂਬਰਾਂ, ਐਮਰਜੈਂਸੀ ਸਥਿਤੀਆਂ ਤੋਂ ਪੀੜਤ ਲੋਕ, ਹਿੰਸਾ, ਹੜ੍ਹ, ਸੋਕਾ, ਭੁਚਾਲ ਆਦਿ ਦੇ ਪੀੜਤ ਪਰਿਵਾਰਾਂ ਦੇ ਨਾਲ-ਨਾਲ ਅਪਾਹਜ ਵਿਅਕਤੀਆਂ ਅਤੇ ਪੁਲਿਸ ਹਿਰਾਸਤ ਵਿੱਚ ਰਹਿ ਰਹੇ ਲੋਕਾਂ ਤੋਂ ਇਲਾਵਾ ਘੱਟ ਆਮਦਨੀ ਕਮਾਉਣ ਵਾਲਿਆਂ ਨੂੰ ਪ੍ਰਦਾਨ ਕੀਤੀ ਜਾਂਦੀ ਹੈ। ਇਨ੍ਹਾਂ ਸੇਵਾਵਾਂ ਵਿੱਚ ਅਦਾਲਤੀ ਫੀਸ, ਪ੍ਰੋਸੈਸਿੰਗ ਫੀਸ, ਕਾਨੂੰਨੀ ਕਾਰਵਾਈ ਲਈ ਵਕੀਲ ਦੀਆਂ ਮੁਫਤ ਸੇਵਾਵਾਂ, ਹੁਕਮਾਂ ਦੀਆਂ ਤਸਦੀਕਸ਼ੁਦਾ ਕਾਪੀਆਂ, ਬਿਨਾਂ ਕਿਸੇ ਕੀਮਤ ਦੇ ਉਪਰੋਕਤ ਸ਼੍ਰੇਣੀਆਂ ਦੇ ਲੋਕਾਂ ਨੂੰ ਪ੍ਰਦਾਨ ਕਰਨਾ, ਅਪੀਲਾਂ ਦਾਇਰ ਕਰਨਾ ਆਦਿ ਸ਼ਾਮਲ ਹਨ। ਇਸ ਮੌਕੇ ਉਨ੍ਹਾਂ ਵੱਲੋਂ ਵਿਦਿਆਰਥਣਾਂ ਨੂੰ ਕਾਨੂੰਨੀ ਸੇਵਾਵਾਂ ਲਈ ਡਾਇਲ ਕੀਤੇ ਜਾਣ ਵਾਲੇ ਨੰਬਰ 1968, 181,1098 ਬਾਰੇ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਕਾਨੂੰਨੀ ਸੇਵਾਵਾਂ ਅਥਾਰਟੀ ਦੇ ਕੋਆਰਡੀਨੇਟਰ ਮੁਕੇਸ਼ ਵਰਮਾ, ਅਤੇ ਪ੍ਰਿੰਸੀਪਲ ਲਖਵਿੰਦਰ ਕੌਰ ਦੁਆਰਾ ਵਿਦਿਆਰਥੀਆਂ ਨੂੰ ਦਿੱਤੀਆਂ ਗਈਆਂ ਅਤੇ ਕਾਨੂੰਨੀ ਸੇਵਾਵਾਂ ਨੂੰ ਆਪਣੇ ਮਾਪਿਆਂ ਨਾਲ ਸਾਂਝਾ ਕਰਨ ਲਈ ਵੀ ਕਿਹਾ ਗਿਆ। ਇਸ ਮੌਕੇ ਉਨ੍ਹਾਂ ਨਾਲ ਕਮਲਜੀਤ ਕੌਰ ਨੂਤਨ ਕੋਹਲੀ ਰਜਨੀ ਨਈਅਰ ਪ੍ਰੀਤਪਾਲ ਕੌਰ ਮਨਮੋਹਨ ਕੁਮਾਰ ਗੁਪਤਾ ਬਲਰਾਜ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਵਿੱਚ ਕਾਨੂੰਨੀ ਸੇਵਾ ਕੋਆਰਡੀਨੇਟਰ ਮੁਕੇਸ਼ ਵਰਮਾ ਸੰਬੋਧਨ ਕਰਦੇ ਹੋਏ
Comments
Post a Comment